كلمات اغانى الفنانه شاديه

كلمات أغنية شبكت قلبى

شبكت قلبى وروحى وعينيا , عقبال ما تشبك كمان ايديا

كلام عيونك لعينيا غنوة والدنيا جمبك ماتكفينيش

وكل كلمة تقولها لى حلوة لو حتى كلمة مبحبكيش

بس أوعى عمرك تقولها ليا , لتخلى نومى يحرم عليا

شبكت قلبى

*****

أنت الأمانى وفرحة زمانى ومهما تبعد بتكون قريب

والقلب مهما يحب تانى عمره ما ينسى أول حبيب

ده لما بعدك يطول شويه بتغلى أكتر وأكتر عليا

شبكت قلبى

*****

وحياة جمالك وفداه عيونى إن غبت عنى تبعت سلام

وكلام عوازلى اللى يكرهونى إياك تصدق لهم كلام

ادى أنت عارف إيه اللى بيا والوجد فاض وبان عليا

شبكت قلبى

*****

كلمات أغنية خطابك كتير



خطابك كتير وقالولى تستاهلى الدهب واللولى

من بين الحبايب واحد بتشاورى عليه وتقولى

حبيبى أهو .. خطيبى أهو

مفيش غيره ليا ومفيش غيرى له .. أهو ..

حبيبى أهو .. خطيبى أهو

*****

بتفوت الليالى عليكى وخيال الفرح حواليكى

والشوق اللى حير قلبك بيبان له فى ضى عينيكى

مكسوفة تقولى له عليه طب اخرة سكوتك ايه

ويا ريتك يا حلوة تنولى وياه الأمل وتقولى

حبيبى أهو .. خطيبى أهو

مفيش غيره ليا ومفيش غيرى له .. أهو ..

حبيبى أهو .. خطيبى أهو

*****

على شط البحور والنسمة حوالينا الحياة مبتسمة

وقلوب الحبايب جايه تستنى النصيب والقسمة

يا شقاه اللى عاش وحدانى ويا بخته اللى يلقى التانى

ويقول للأحبة هاتولى شربات الفرح وقولوا لى

حبيبى أهو .. خطيبى أهو

مفيش غيره ليا ومفيش غيرى له .. أهو ..

حبيبى أهو .. خطيبى أهو

*****

الميه اللى رايحة وجاية فى البحر الكبير حواليا

لو ضاع الأمل من قلبى ما تكفى دموع لعينيا

دى بتجرى ما بين شطين وبتنده لكل اتنين

تعالوا لى هنا تعالوا لى فى بحر الغرام وقولوا لى

حبيبى أهو .. خطيبى أهو

مفيش غيره ليا ومفيش غيرى له .. أهو ..

حبيبى أهو .. خطيبى أهو

*****

كلمات أغنية ارما لادوس



ارما لادوس .. ارما لادوس

أنا اسمى ارما لادوس ياما العشاق خدوا منى خدوا منى دروس

عندى أحلام مليانة كلام مش أى كلام .. ده كلام بفلوس وى وى

أدخل فى عينيك وأمسى عليك وأمشى بتكتيك تكتيك مدروس

هيهزك شوق ياخدك على فوق وليالى الشوق لها عندى قاموس

أنا ارما ارما لادوس .. أنا ارما ارما لادوس

*****

كل الستات بيغيروا منى مش عارفه ليه

ماما وبابا عملونى حلوة أنا ذنبى ايه

دمى شربات وترى ديليكات والحلويات لها ذوق مخصوص

أنا ارما ارما لادوس .. أنا ارما ارما لادوس

*****

أدخل فى البارتى تكون واحدة وجوزها قاعدين

تتكهرب ساعة ما تشوفنى يروحوا متخانقين

علشان آل ايه جوزها نده لى بعينه اليمين

راجل يا حرام فيه فى قلبه كلام

لكن المدام لكن المدام قاعدة له كابوس

أنا ارما ارما لادوس .. أنا ارما ارما لادوس

*****

ارما لادوس

أنا اسمى ارما لادوس ياما العشاق خدوا منى خدوا منى دروس

ارما لادوس ارما لادوس