هذي وردة للهوى هذي جروحك عطني روحي سيدي او خذها روحك‎(2)‎
محمد: باركلي
سعيد: على شو
محمد: قررت اعرس
سعيد: يلا عاد ‏
محمد: اشفيك انا تكلم صج
سعيد: ومنو هذي سعيدة الحظ
محمد: تعرف سعود اللي كلمتك عنه
سعيد: هيه بس شياب طاريه الحين
محمد: باخذ اخته
سعيد بذهول: انت تمزح اكيد‏
محمد: لا ما امزح
سعيد: الحين هذا عقابك له انك تاخذ اخته بعدين انت وين شفتها
محمد: اليوم كانت وياه يوم شفته
سعيد: محمد اليوم شفتها و اليوم قررت تتزوجها
محمد: انت ليش مستغرب
سعيد: تبي تعرف ليش انا مستغرب . عسب انك ما يبت طاري العرس يوم على لسانك . عسب ‏انك 32 سنه ولين الحين ما عرست ويوم قررت تعرس تاخذ اخت اللي سرق فلوسك ‏
محمد: انت ما شفتها ‏
سعيد: حلوة
محمد: هيه
سعيد: ها انا فهمت الحين شو السالفة
محمد: شلي فهمته ‏
سعيد: هذي نزوة يديدة من نزواتك مثل سالفة البيت والارظ و السيارة ‏
محمد: سعيد انت فاهم السالفة غلط
سعيد: لا يا محمد انا ما اعرفك من اسبوع او اسبوعين انا اعرفك من زمان واعرف يوم تبي ‏شي شلون...

هذي وردة للهوى هذي جروحك عطني روحي سيدي او خذها روحك
للكاتبة: shams abudhabi

هذي وردة للهوى هذي جروحك عطني روحي سيدي او خذها روحك(1(
في شركة خليفة للمقاولات
محمد: انا خلاص بنين لين الحين المبلغ المسروق 200 الف . تخيل بشهر واحد ميتين الف
سعيد: انا مب قادر افهم انتو ليش للحين ما قدرتو تعرفون منو هو اللي سرق
محمد: ليش لانه مب قاعد يسرق من الخزنة . تدري هو شقاعد يسوي. يحول من حسابات الشركة لحسابات باسمه هني وبرع البلد
سعيد: يعني هو يشتغل هني
محمد: اكيد و بقسم الحسابات بعد
سعيد: انزين يعني المشتبه فيهم معروفين
محمد: بكشفه و لو بعد مليون سنة . ولو بضطر ادفع مليون درهم
سعيد: بتدفع مليون عسب تعرف منو سرق 200 الف
محمد: السالفة مب سالفة فلوس . السالفة ان هذا اللي قاعد يسرق قاعد يتحداني انا محمد خليفة سالم بس والله لخليه يدفع الثمن غالي . وخليه يندم على اليوم اللي فكر انه يسرق فلوسي.
سعيد: محمد لا تكبر السالفة .
محمد: هي بروحها كبيرة . بس هذيل الاغبية اللي قاعدين يشتغلون عندي لين الحين ما...

في بيت بو ناصر..
شهاب: الحين هاي حاله .. حابسيني فالبيت ويا اليهال
سعيد: عادي شو فيها استرجع طفولتك
شهاب: هاهاهاها ما يظحك .. قم بس قم
سالم: وصلت الطياره الحين .. لازم يكون ابويه واصل
شهاب ( وهو يقلد سالم): وصلت الطياره الحين .. لازم يكون ابويه واصل .. ابوك الحين ساير هنااااااك هنااااااك عقب بيي هني . .لازم مب متوله على حرمته وعياله فكيناه من حشرتهم
سعيد: لو سمحت يعني لو سمحت .. عن الغلط على ابويه
شهاب: ذبحتونا بأبوكم انتوا .. محد عنده ابو غيركم
ودخل بو ناصر ..
بو ناصر: السلام عليكم ..
الكل : وعليكم السلام
بو ناصر: وين الباقين ؟
سعيد: فالمستشفى
بو ناصر ( عقد حياته ): ليش؟؟
سعيد: عموه اليازيا تعبت وودوها
بو ناصر: وما اتصلتوا تطمنون ..
شهاب: اتصلت انا بعليا .. قالت اذا استوى شي يديد بتتصل ..
سعيد: ها يدييييييي اشوفك وايد مهتم .. جيه يعني يوم امايه يابتنا ما هتميت
شهاب: يقولك اعز من الولد ولد الولد ..
سالم: شوه قصدك ..
شهاب: افهمها وهي طايره يا...

الجزء الـ 27 والاخير
خلفان كان يدق باب حجرة اليازي بس هي ما ترد عليه .. فتح الباب ودخل ما شاف أي حد هناك .. ظهر حريز من حجرة فهيد ..
حريز: خلفان ..
خلفان: هلا
حريز: شوه بغيت ؟؟
خلفان: وين اليازي
حريز: تعال اليازي وفهيد هني
خلفان (تنهد) : انزين ياي
سار خلفان ويا حريز حجرة فهيد .. دخل وشاف الحجره فوق تحت شوه مسوين هذيل ؟؟
خلفان: ما شاء الله عالترتيب
فهيد: هاي الدبه قبل ما تظهر بترتب لي الحجره
اليازي: يالله يالله .. وايد مصدق عمرك اني برتبها آسفه
فهيد: انتي خربتيها
اليازي: لا تجذب انته اول شي فريتني بالمخده
حريز: بس خلاااااص تعورون الراس
خلفان: اليازي بغيتج في موضوع
اليازي: شوه
خلفان (تم يطالع حريز وفهيد )
حريز: يعني نطلع
فهيد: شوه نطلع .. اصلا الموضوع معروف .. هي مب موافقه
اليازي ( تغير ويهها) : هذا هو الموضوع ؟؟
خلفان ( هز راسه كانه يقول هيه )
اليازي: مثل ما قال فهيد
خلفان: انزين اسمعي
اليازي: ما ابغي اسمع أي شي في هالموضوع .....

الجزء الـ 26
الكل في بيت بو خلفان مرتبش .. كلهم .. ولطيفه يالسه وهي مستحيه .. دخل حريز .. ويشوف الربشه ..
حريز: السلام عليكم ..
الكل: وعليكم السلام ..
اليازي: الف الصلاة والسلام عليك يا حبيب الله محمد
ناعمه: كلولولوووووووووي
حريز: شوه تخبلتن ؟؟
فهيد: لو دريت بالسالفه انته بتتخبل
حريز: لا انا مب مينون الحمد لله ( وحب ايده ورا وجدام)
اليازي: والله لازم تسمع الخبر قبل عقب تحب ايدك ورا وجدام
حريز: انا من قبل قايل ان هالعايله فيها شي .. صدقه حارب
اليازي: خلك من حارب الحين
حريز: بلاكن انزين
ناعمه :رمسي ( وهي تقصد لطيفه)
تلون ويه لطيفه .. وقفطت من الخاطر ..
اليازي: وييييييييييه يا ربي .. احلى شي يوم تبشرين حد .. عسب تسحبين منه كل شي تبغين
فهيد :عيل انا ببشر
اليازي: لا انا
فهيد: حريز شوه تعطيني؟؟
حريز: ولا شي
فهيد: افاااا ما احيدك زطي
اليازي: حريز انا كم تعطيني لو خبرتك
حريز: انزين شووووه؟؟
ناعمه :اوه فشلتوا البنيه وايد .. مبروك حريز...

الجزء الـ 25

الصبح .. الساعه 7 .. اليازي .. تتريا متى فهيد يخلص .. وتسير الجامعه ..
اليازي : فهيد يالله
فهيد: ابغي اشرب حليب
اليازي: يالله عاد خلصنا
فهيد: على شوه مستعيله .. انا اللي مدرسه ودوامي 7.30 عادي عندي .. انتي انزين جامعه
اليازي: لو سمحت .. ما يخصك وبسرعه خلص ..
فهيد: اتريي
اليازي: ما خلصت بسرعه .. بسير ازقر جين ويايه وبسير ويا السايق
فهيد: مب بكيفج .. بخبر ابويه
اليازي: خبره .. بقوله هو يالس ساعتين يتريق
فهيد: اف بس حشرتينا
اليازي: لا والله ؟؟!!
فهيد: هيه والله
اليازي: انزين يا فهيد ما اكون اليازي لو سويتها ..
وطلعت اليازي برع .. تزاقر على جين تييها ..
حريز: انته للحين ما سرت ؟؟
فهيد: لا حول ولا قوة الا بالله .. انتوا ما تخلون الواحد يتريق على هواه
حريز: هيه على هواه .. والجرس يدق .. والحصه تبتدأ
فهيد: شوه يعني عادي .. من حلات الماده يعني
حريز: واليازي وين ؟؟ سارت ؟؟
فهيد: على وشك ..
حريز: شوه على وشك بعد ؟؟
فهيد:...

الجزء الـ 24
الدكتوره: لكن في خطر على حياتك
اليازيا: ما عليه
الدكتوره: ما بينفعش ده الكلام
اليازيا: لا ينفع .. انا اللي حامل .. ان اللي بتضرر ..
الدكتوره: يا اما اجهاض .. او تضحي بحياتك .. وانا باول ليكي دلوأتي .. قرارك بيكون على مسؤوليتك .. مش على مسؤوليتنا
اليازيا: انزين .. عادي دكتوره .. انا راضيه ..
الدكتوره: والله ما اعرفش أأول ليكي ايه ..
اليازيا: لا تقولين شي .. بس انتي كتبي لي ورقة الموعد الياي ( وابتسمت)
الدكتوره : زي ما انتي عاوزه .. لكن ضروري زوجك بيعرف بالموضوع
اليازيا: لا ..
الدكتوره: ايوا
اليازيا: لا .. الا زوجي .. ما يعرف بالموضوع ... واذا يا سأل من ورايه ما تقولون له اي شي .. ولا كأن الموضوع فيه خطر على حياتي او على حياة الياهل .. كأني مثل اي حرمه مواضبه على مواعيدها وما فيها اي شي وما تعاني من اي شي
حريز: اقول ييبي بوكي في مخباي تلقينه
لطيفه: ان شاء الله .. (وهي تمشي) .. اقول حريز
حريز: نعم
لطيفه: خواتك جيه ما يتراضن ؟؟ ليش ما تحاول وياهن .....

الجزء الـ 23
اليازي كانت منسدحه عالغنفه فالصاله ..
دخل عليها فهيد ..
فهيد:السلام عليكم
اليازي: وعليكم السلام
فهيد: وين امايه
اليازي: محد
فهيد: وين سارت ؟؟
اليازي: شدراني
فهيد: انتي شو تدرين في هالبيت
اليازي: ادري بأنك انسان سخيف وفاضي
فهيد: هييييييه صح ما خبروج
اليازي: شوه
فهيد:حريز
اليازي: شفيه ؟؟
فهيد: خطب
اليازي انصدمت .. ونشت من مكانها معصبه .. وسارت حجرتها ..
فهيد: اونها عاد .. زعلانه من الريال وما ادري شوه .. وبعد تزعل يوم عرفت انه خطب .. والله هالعايله عجيييييييبه
اليازي .. كيف يخطب ما يقولي ؟؟ انزين ما عليه يا حريز .. ولا معتبرني اختك الوحيده اللي وياك فالبيت .. وهي يالسه تفكر في موضوع حريز .. سمعت صوت الباب ..
ناعمه: شوه تسوين ؟؟
اليازي: ولا شي
ناعمه: عيل بيلس وياج
اليازي: حياج .. تعالي .. وين حارب؟
ناعمه: تحت عند خلفان وحريز
اليازي: هيه حريز
ناعمه: هيه .. شفيج ؟
اليازي: ماشي .. بس صدق حريز خطب ؟؟...

الجزء الـ 22
شذى ناشه من الصبح .. امس عطوها الخبر الاكيد .. ان عليا اليوم بتوصل .... من الملل وانها خلصت تقريبا كل شي من وقت .. قالت بتسير تقوم الوحيد اللي وياها فالبيت ..اللي هو شهاب ..
سارت صوب حجرته .. فتحت الباب ..
شذى .. الله ياخذ ابليسك يا شهاب .. ثلاجه ثلاجه مب حجره الا بعد فريزر .. حد يرقد في هالجو .. صدق خبله ..
شذى:شهاب شهاب
وهو لا يتحرك ولا يرد عليها
شذى:شهاب بسك عاد قم
شهاب: الساعه كم ؟
شذى: الساعه 10
شهاب: قومي عيل
شذى: شهاااااااب
شهاب:شوووووه
شذى: قم ..
شهاب: الساعه 10 ليش موعتني
شذى: ملانه
شهاب: صدق ما عندج سالفه قومي طلعي برع وصكي الباب وراج
شذى: شهـــ
شهاب (قطع عليها): قومي والله فيه رقاد .. محد قايل لج تنشين من فير الله .. قومي قومي ..
ورد رقد ولا عبر شذى .. وشذى ما يلست على راسه .. لانها سمعت صوت سياره شكلها دخلت حوشهم ..
مشت بسرعه صوب الدريشه .. وشافت تحت .. اول ما شافت السياره ركظت بسرعه تنزل تحت ..
ويوم نزلت...

الجزء الـ 21

في واحد ازعجته رنة المبايل .. راقد وهو في سابع نومه .. يخربون عليه !!
هذا كان ناصر .. وهو فالفندق .. مد ايده من تحت اللحاف .. والشي الوحيد اللي سواه انه غلق المبايل .. ورد يرقد مره ثانيه ..
اليازيا: ما يرد
ناعمه: اتصلي مره ثانيه
اليازيا: انزين
ناعمه: من هذاك اليوم لليوم هو ما يرد عليج ؟؟
اليازيا: لا ما يرد .. ولا يرد عالمسجات
ناعمه: الله يهديج يا اليازيا حد يسوي سواتج ؟؟
اليازيا: ناعمه انا روحي مب فحاله .. لا اتمين تزيدين عليه
ناعمه: رد ؟؟
اليازيا: مغلق (وتمت تصيح وتصارخ ) .. شفتي اقولج بيطلقني .. ما يبغيني .. تقولين لي اتصل واسوي واذل عمريه .. استاهل انا الغبيه سويت بعمريه جذه
ناعمه يوم شافت شكل اليازيا وهي تصيح من كم يوم .. يوم هي عرفت السالفه من اليازيا بالتفصيل .. كسرت خاطرها .. ما تستاهل هالبنيه اللي يستوي بها ..
شذى كانت يالسه ويا شهاب فالصاله وحاطه عليه .. انه انسان عديم احساس و جذاب!!!
شذى: بس بس بس
شهاب: شذوووو .. عن قلة...