لن اعيش في جلباب اخوتي

قصص .. مكتبة قصص الأوائل

الاقسام

الرئيسية » قصص و روايات » لن اعيش في جلباب اخوتي


	لن اعيش في جلباب اخوتي السلام عليكم ورحمة الله وبركاته ... ما اجمل القصص ولا سيما عندما تكون من واقع الحياة ومن قلب شخص عاش احداث هذه القصه احبتي بعد نجاح اول قصه لي ( روايتي (لمن تهمه الصداقه) ) قررت ان اكتب ثاني قصه لي (لن اعيش في جلباب اخوتي ) واتمنى ان تنال على اعجابكم < > < > إليكم القصه ...... < > < نحن عائلة صغيرة مكونه من أب و أم واخوتي الصغار وانا اكبر وحده عمري 19 سنه واخوي احمد عمره 10 سنين وخواتي التوأم نور وأنوار عمرهم 6 سنين نعيش مع جدي وجدتي وعمي وزوجته وعياله يشملنا بيت واحد كبير جدا ..... جدي وجدتي يسكنان في الدور الأرضي وعمي الكبير يسكن في الدور الثاني ونحن نسكن في الدور الثالث .... انا أول بنت في العائلة والثانية بنت عمي أتت بعد خمس أولاد وبذلك كنت انا المدللة ...... أمي وأبى تزوجا حين رأوا بعضهم أول مره في الجامعة وعاشوا اجمل قصص الحب ولم يبرد حبهم يوما وكنت أتمنى ان أتزوج مثل ما تزوجوا وكل بنت تحلم بفتى أحلامها يشبه أبيها وكما يقال (كل فتاة بـأبيها معجبة ) وبما أننا عائله متفاهمة طلبت من أمي وأبى ان يشتروا لي سياره بحكم أنني تخرجت ودخلت الجامعة فوافقوا ولكن على شرط ان لا أسافر هذه السنه وتكون من نصيبهم لإعادة شهر عسلهم انا وافقت ولكن لم أدرك اني سوف احمل مسؤولية ثقل الجبل ...... !!!!! اشترولي السيارة وكانت فرحتي لا توصف بها ... وهم بدورهم حزموا أمتعتهم للسفر إلى فرنسا ..وقبل رحيلهم اجتمعنا بصالة شقتنا قالت لي أمي : ... هاجر ما اوصيج على اخوانج وأي شئ ما تعرفين تتصرفين فيه عندج خالاتج ... وقاطعها ابي وقال :.. وعمج وجدج وجدتج كلهم معاج وهذي بطاقة البنك تحت ايدج بس مو تصرفين على غير معنى!! واهم شئ تغطين حاجات البيت ومسك اخوي احمد وقال له : أنت الحين رجال البيت احرص على خواتك مو تتهاوش معاهم ونظر إلى التوأمين نور وانوار وقال لهم : لا تعبون أختكم هاجر بشطانتكم وصيروا عاجلين عشان اجيبلكم العاب .. وذهبت معهم لاوصلهم إلى المطار وطبعا قبل رحيلهم لم أتحمل فراق أغلى ما عندي ... تساقطت دموعي تلقائيا !!! وحضنني والدي وقال ان شاءالله ماراح نتأخر كلها شهر وراجعين وقبلني على رأسي وحضنت أمي وقلت لهم : .. لا تتأخرون ابتسمت أمي !! في وجهي وقالت : لأ بنتأخر عشان ترتاحين من مقالبنا .. كانوا دائما .. يعملون لي مقلبا .. أخر مقلب سوه فيني ( انهم طلعو كومبيوتري وحطوه بغرفه اخوي ..وحطو بمكانه .. كومبيوتر صغير( لعبه )واوهموني ان هذا كومبيوتري يعني لعبوا بعقلي .. أكيد ماصدقت .. وقالوا لي انه انكمش من غرفتي البــــــــــارده ... ههههههههههه ومثلوا على الدور عدل وكان موقف مضحك ولا ينسى " تعودت على مقالبهم التي طالما ضحكت وتنرفزت منها ولكن كانت أيام جميلة ....... المهم .. و صوني على خواني وذهبوا وانا عدت للبيت وعند دخولي وجدت اخوتي جالسين ومعهم الخادمة في صالة شقتنا يشاهدون الرسوم المتحركه جائتني اختي انوار وقالت : هجور متى يردون ماما وبابا انا هني اخنقتني العبرى وقلت في نفسي هاذي بداية المشورا وقلت لها : بعد 30 يوم قالت : اوووه وايد قلت لها وانا رايحه لغرفتي لأ مو وايد ذهبت لتكمل الرسوم المتحركه وذهبت انا الى غرفتي لأغير ملابسي وجلست افكر في المسؤوليه الموكلة إليّ واني لازم اكون قدها .. مر أسبوع بسلام لم أجد صعوبة فيه .. وكنت اكلم نفسى أقول يحليل المسؤولية .. هدوء وراحه .ولابعد بيدي كل شي و أنا الأمر الناهي بهالبيت هــا ..عيل الوالد والوالدة مرتاحين .. ومخوفيني قبل لا يروحون ولــــــــــــــــكـــــــن!! بدأت معاناتي في الأسبوع الثاني ..؟؟؟؟ في ذلك اليوم قمت من نومي وقلت للخادمه ان تجهز الفطور على ما اروح أقوم أخواني من النوم .. طبعا هذا كان قانون أمي انهم يقومون الساعة 9 الصبح في وقت العطلة( الإجازة) وقالت لي الخادمة ان في بعض الأغراض ناقصة من المطبخ وما تقدر تسوي الفطور من غيرهم !!!!! قلت لها خلاص انزل تحت عند جدي وجدتي واتريق معاهم قومت احمد ونور وانوار بعد عنـــاء وصراخ .. وهوشه من الصبح.. هذا مايبي يقوم .والبنات كل وحده تقول قومي الثانيه أول ..جننوني .. ومن كثر فرارتي بالغرف دخت ووقفت بنص الممر وصــــــــــرخت وقلت .. يالله قــــــــــــــووووووومـــــــــــــووووووا والله لارش عليكم ماي .. طبعا اللي ما يقوم بعد هالصرخة اكيد انه ميت .. ... !!! ونزلنا عند جدي وجدتي وكانوا توهم حاطين الفطور وقعدنا وتريقنا معاهم وفي هذه الأثناء قالي لي اخوي احمد هجور ابي اشتري شريط بلاي ستيشن اللي توه نازل يديد قلت له اوكي تريق وبعدين يصير خير قال شنو يعني متى توديني قلت له لما يصير عندي وقت قال لي لأ انا ابي الشريط الحين ...!!! عاد انتوا تعرفون عناد الجهال ...؟؟ طالعته بطرف عين وقلت له انا مالي خلق اروح الحين قال جدي : احمد خلاص لا تأذي أختك الكبيرة .. سكت احمد وزعل وراح فوق لشقتنا وانا عرفت انه زعل .. بس فكرت وقلت لنفسي خلني اوديه ومره وحده اشتري اغرض البيت ... رحت له فوق ولقيته بغرفته قاعد .. دخلت عليه .. وعطاني ظهره !!!! قلت له شفيك زعلان خلاص ولا يهمك بوديك تشتري الشريط اللي تبيه ألتفت على وقال: .. هيــــــه ...يا احلى اخت بالدنيا وحضنني وقلت له تزهب عشان نروح بسرعه .. ورحت للخدامه وقلت لها تخلي نور وانوار يلبسون عشان نطلع ... .. لبسنا وعلى نزلتنا من الدرج ولا هذا عمي قال لي : هلا هجور صارلي يومين ما شفتج قلت له : يوه عمي لاتبالغ كلها يوم وانت كنت بالشاليه قال لي : يمه منج تصيديني ضحكت وقلت له : شعبالك انا هاجر .. ضحك وقال لي :ها وين شايفج طالعه مع خوانج قلت له ان احمد يبي شريط بلاي ستيشن ورايحه مره وحده اشتري اغراض ناقصتنا بالمطبخ قال لي : تبين اوديج قلت له : لا عمي ما ابي أتعبك انا اروح بسيارتي ....... طلعنا ورحنا السوق وشرى احمد الشريط اللي يبيه ولا .. تنقز أنوار ...!!! قالت .. هجور ما يصير احمد يشتري واحنا ما نشتري قلت لها شتبين قالت : ابي لعبه قلت لها خلاص الحين اوديج محل الألعاب واشتريلج لعبه وقالت نور: يا سلام يعني كلهم يشترون وانا ما اشتري شئ قلت لها قولي شتبين قالت ابي لعبه مثل أنوار قلت لها : ان شالله ... ورحنا محل الألعاب وقعدنا ساعة على ما يختارون اللعبه اللي يبونها .. قالي احمد وهو متردد .. كأنه عارف جوابي : هجور بشتري لعبه ؟ طالعته ...كنت برفض لانه هو شرى خلاص بس ما ألومه الألعاب كانت مغرية قلت له : روح اشتر .. وبعد دقيقه تقريبا جتني أنوار وقالت : هجور احمد قاعد يشتري لعبه!!!!! قلت لها : أي شنو يعني؟ .. قالت لي وايدها على خصرها : يا ســــــــلام يعني هو يشتري شريط ولعبه واحنا نشتري لعبه بس قلت لها : يعني شنو تبين قالت : ابي اشتري لعبتين قلت لها لأ بس لعبه وحده قالت : ليــــــــــش .. !! لو أمي وأبوي جان رضوا اني اشتري قلت لها وانا معصبة خــــلاااااااااااص روحي اشتري لعبتين ( وفكيني ) وقولي لنور بعد تشتري ....... كل واحد منهم اشترى لعبتين ويوم رحت احاســب وفتحت جنطتي ... انصـــدمت ..؟؟؟؟ !!!! اني ما عندي فلوس كافيه يعني فيها روحه للبنك قلت لراعي الألعاب انه يخلي الألعاب عنده على ما اروح البنك واسحب فلوس ولــــــكــــــن ..... محفوظين السلامه عبالهم هونت .. واحتجوا عند الباب .. وقالوا ماراح نطلع الا والعابنا معانا . قلت انزين تعالوا خل نروح نسحب من البنك فلوس انا ماعندي الحين .. نطت أنواروه وقالت عبالج احنا اغبياء اكيد بتقصين علينا .. طالعتها وشوي واخنقها وقلت خلاص خلج هني بروحج وانا بروح مع نور واحمد .. قالت : خلاص خلاص بروح .. (مو الجهال ما ينفع معاهم الا التهديد ) وخذيت خواني معاي ورحت للبنك وسحبت وشريت الألعاب وعلى طريقنا تغدينا بمطعم بيتزا ويوم ردينا للبيت شفت جدي وجدتي وعمي وزوجته وعيالهم قاعدين بالصاله وانا داخله عليهم مع خواني والخدامه والألعاب اللي كل وحده اكبر من الثانيه قال لي عمي : ما شالله هذي اغراض الجمعيه .. تـــــــــــــــذكـــــــرت ... !!!!!!!! اني كان لازم امر الجمعيه واشتري الاغراض اللي ناقصتنا والخدامه ما ذكرتني وقلت : يــوه نسيت ضحك عمي وقال : الله يعين البيت وخوانج عليج .. وقلت له .. الله يعيني انا عليهم ضحكوا كل اللي بالصاله ,,,,, !!!! عليّ قلت : شسوي بعد نسيت قالت لي جدتي: يالله يابنتي روحي غيري ملابسج وملابس خوانج عشان تتغدون قلت لها : لأ احنا تغدينا بالمطعم .. (( وعلما ان جدتي ماتحب اكل المطاعم))... قالت لي : الله يهداج بس اكل المطاعم مو زين جان تغديتي معانا قلت لها : مره ثانيه ان شالله .... ورحت فوق انا وخواني .. وطبعا من كثر ما هم معاي وانا خايفه عليهم ما يفارقوني كانوا يسموني الدجاجه وعيالها لأنهم خلاص تعودا انهم يلحقوني في كل مكان المهم دقت علىّ خالتي في نفس اليوم وقالت لي انهم يبون يروحون الحديقه الأسبوع الجاي قلت لها : خلاص نشوف بعض هناك وجاء اليوم المنشود وقلت لأخواني ان نبي نروح الحديقه استانسوا ولبستهم وطبعا قبل لانروح الحديقه مريت علىالبنك عشان ما اتوهق مثل محل الألعاب!!!!! ورحنا الحديقه ... آآآآآآآآآآخ يوم ماراح انساه بحياتي التقيت بخالاتي وبناتهم وعيالهم ودخلنا الحديقه وكل واحد يلعب بالألعاب وانا كنت قاعده ألعب خواني طبعا بنات خالاتي كانوا معاي وكانوا .. يتطنزون على انا وشكلي صرت كأني امهم هذا يجيني ويقول هجور بلعب هذي اللعبه ونور وانوار يبون يلعبون لعبه وانا والخدامه مقطعين نفسنا بينهم .. وحالتي حاله ؟؟؟؟ !!! ومسك الختام طاحت اختي نور بالحديقه وطلع من خشمها دم !!! اهي شافت الدم استخفت قعدت تبكي وتصرخ وكأنها تبي تموت والناس اللي مار واللي رايح يشوفنا .. فشلتني !!! وانا أحاول اهديها يمين يسار ماكو فايده .. تبي تموت خلاص بالكلام وبالغصب جبت معاها نتيجه ( طبعا بعد ما شريت لها ايس كريم ) اسكتت وعلى ما اسعفتها يعني صج حسيت بالمسؤوليه ويومها قالتلي خالتي :: وي يا هجور قبل كنتي ما تهتمين إلا بنفسج وبكشختج واللحين طفيتي وصار همج خوانج والبيت !!!! هي قالت البيت..؟؟ !!! وانا تذكرت اني ليم الحين ما شريت اغراض المطبخ قالت لي خالتي شفيج ؟؟؟ قلت لها: مطبخنا محتاج اغراض وانا ليم الحين ما رحت الجمعيه قعدوا يضحكون على وعلى حالتي المهم رحنا البيت ومرت الايام واحنا غدانا وعشانا بيتزا لأن طبعا انا ما أحس باللي اصرفه ... المهم يوم من الايام قمت من النوم ولقيت نور وانوار قاعدين عند باب غرفتي ؟؟؟؟ شفتهم استغربت !!!! قلت لهم : شفيكم قالوا : ننطرج تقومين عشان تطلبين لنا غدا وانا اساسا كنت قاعده وانا مالي خلق ونفسي بخشمي وكنت نعساااانه لاني مانمت منهم ناديت الخدامه وانا معصبه وقلت لها انتي تدرين ان الجهال قاعدين من الصبح ليش ما سويتي لهم شئ ياكلونه قالت: الثلاجه ما فيها شئ ( وهني تذكرت اغراض الجمعيه اللي ماشريتهم للحين ) قلت لها: انزين وليش ما نزلتي تحت عند جدتي وسويتيلهم من مطبخها سكتت وما تكلمت طبعا عقب ما زفيتها وفشيت خلقي فيها خذيت نور وانوار للصاله وشفت احمد قاعد على الرسوم المتحركه وقلت لهم قعدوا مع احمد على ما اطلب لكم رحت وطلبت لهم بيتزا وعلى ما وصلت البيتزا قلت لاحمد يروح يجيبها (طبعا ما قدرت اقول للخدامه تروح لاني توني زافتها ) .... ويوم عرف احمد ان المطعم بيتزا تنرفز وقال لي ما يصير غدانا بيتزا.. وعشانا بيتزا. كل يوم بيتزا .. كل يوم بيتزا صرنا سلاحف النينجا نبي مطعم ثاني ؟؟؟؟؟ انــــــــا استوعبتــــــــــ وقلت أي والله صح كله بيتزا ومت من الضحك عليه ... المهم راح وجاب البيتزا وحطها بالصاله وانا رحت اجيب الصحون والقلاصات للبيبسي قلت لأحمد يجيب البتزا ويحطها علىالطاوله قالت نور انا اللي بجيبها قلت لها لأ انتي ماتعرفين تطيح منج بس عاندت وشالتها ,, وفعلا ... طاحت منها وانا من القهر اللي فيني رحت وطقيتها !!!! انا يوم طقيتها انوار واحمد انصدموا .. و بققوا عيونهم وانا من نفسي انصدمت لأني ولا عمري طقيت احد من خواني ( مع ان نور حبوبه والمفروض اللي تنطق انواروه) راحت تبكي واضربت عن الأكل و كلينا البيتزا الثانيه لأن الأولى راحت علينا ... ؟؟؟ خذيت قطعه من البيتزا ورحت لنور وقلت لها هذي بيتزتج تبين تأكلينها آكليها ما تين كيفج ورحت اشغل بلاي ستيشن لأحمد وانوار وعقب ما ارتحت شوي قلت بروح أشوف المنتدى دخلت وشفت رفيجتي ارتحت أرسلت لها رسالة وقلت لها تعالي علىالماسنجر أدخلت واحنا قاعدين نسولف قلت لها اللي صار مع اختي نور قالت لي راضيها وفري فيها بسيارتج شوي .... ذكرتني بشيء .. !!! اللي هو اغراض المطبخ قلت بنفسي فكره حلوه اوديها الجمعيه واشتري أغراضي مره وحده قلت لها خلاص انا اخليج بروح ارضي الزعلانه .... رحت لها ولقيتها مآكله بيتزتها وقاعده مع احمد وانوار رحت وقعدت يمها وضميتها وقلت لها: نور حبيبتي كان المفروض تسمعين كلامي صح ولا لأ قالتلي وهي تبكي .. صح ... قلت لها خلاص دام اعترفتي بغلطتج روحي لبسي عشان اوديج الجمعيه .. راحت وهي مستانسه وقلت لأحمد وانوار يالله .. وانتوا بعد روحوا لبســوا .. قال احمد .. وهو مندمج باللعبه .. لا لا روحوا نتوا .. طالعته باستغراب .. اهو بكيفك انت ؟ لا حبيبي لازم تروح الخدامه باخذها معاي منو بيقعد معاكم .. ها ... يالله عن المصاخه ..ولاتطولها وهي قصيره ..روح البس احمد : يؤؤؤؤؤؤؤ مابي بلعب موصل بعيد قلت له : يعني هذي مشكله مع ويهك احفظ وخلصنا .. ولا خلها مفتوحه لما نرجع . . احمد: هاجر مابي اروح مالي خلق انا: لا لك خلق يالله خلص بروح البس وارجع.. القاكم تنطروني عند الباب .. انوار : شنو ننطرج عند الباب احنا خرفان .. انا: ههههههه لا بس عنوز انوار : وانتي الذيب ههههههههه انا : شــــــــــنو..؟؟ الذيب .. ذيب ياكلج قولي امين الذيب يوديكم السوق .. ويشتري لكم العاب هين.. هين وانا بنت ابوي اللي مسافر ومخليني عندكم .. ماعاد اشتري لكم شي.. احمد : الحين بتودينا الجمعيه ليش .. ماراح تشترين لنا شي وماراح نستفيد شي انا رحت لغرفتي وقاعد اصرخ عليهم... لا بتروحون غصب طيب ضحوا عشاني مثل ما انا ضحيت عشانكم هني انا ماسمعت لهم حس .. شكلهم ما فهموا ..ولما طلعت لقيتهم كالبأساء مالهم خلق الا نور ... لان عندها شي بتشتريه رحنـــــــــــا الجمعيه .. ياليتني سامعه نصيحة احمد .. ومخليتهم بالبيت .. طبعا قبل لا انزل من السياره عطيتم محاضره (لكن مانفعت وماطبقها الا الخادمه ) قلت لهم .. شوفوا انا بشتري اغراض البيت وابيكم تصيرون هادييييييين عشان ماانسى شي وبعدين اذا خلصت اشتري لكم اللي تبونه .. ولو بغيتوا الجمعيه كلها بشتريها بس خلوني اخلص اغراضي أحمد : عندي فكره اذا بتشترين الجمعيه ليش تشترين اغراضج؟ انا هني ودي على كفخته .. يسوي نفسه غبي .. المهم لما نزلنا بالبدايه سمعوا كلامي .. لكن من مرينا بقسم الحلويات .. صراخهم واصل لي بيتنا .. فضحوني مابقى احد بالجمعيه ماعرف اسمي .. ينادوني من بعيد .. هــــــــــاجر عادي اشتري كاكاو .. هــــــــــــاجر .. عادي اشتري بطاط.. وانوار بتطلع فيها يعني وقالت : هــــــــــــجور عادي اخذ حلاو وانا ابتسم لهم واقول أي عادي (وقلبي يحتمص واقول هين ) ولان الناس ترس الجمعيه .. ما اقدر اهاوشهم الحمد لله خلصت اغراضي الاساسيه مع ان كان ودي اشتري كريمات..بس معاهم مستحيل الواحد ياخذ راحته .. رحنا للقرطاسيه وشريت حق نور كراسه والوان اما انوار شبعت من الكاكاويات وقالت مابي شي .. بروح البيت وباكل كاكاوياتي .... رديت البيت وقلت للخدامه تنزل الاغراض واحمد طبعا زهقان واللي يشوفه يقول هذا مكفوووووخ لما قال بس وقعد احمد يكمل لعبته وقعدت معاه مع نور وانوار نلعب بلاي ستيشن واكيد ناكل كاكاويات انوار اللي خامه الجمعيه كلها في هذه اللحظة دخل علينا عمي وزوجته يشوفونا إذا كنا محتاجين شئ .. المهم تطمنوا علينا وراحوا وبعد مرور ساعتين تقريبا جاني اخوي احمد وقال لي : هجور بطني يعورني قلت له : ما عليه شويه هوى وان شالله يروح .. لأني مالي خلق اوديه الطبيب شربته شاي بالزعتر وخليته ... وجاء وقت النوم ونومت أخواني وانا قعدت على التلفزيون شوي ورحت بنام تقريبا الساعة 1 بليل قام احمد وكان يبكي لانه بطنه يعوره وانا خفت وتوهقت مادري شسوي إلا احمد قاعد يرجع انا خفت وعلى طول رحت عند شقة عمي و طقيت الباب وفتحت الباب زوجة عمي وقلت لها ان احمد مريض ولازم اوديه الطبيب قالت لي خلاص روحي تجهزي على ما اقول لعمج ... رحت ولبّست اخوي وانا بعد ولا هذا عمي داخل علينا بشقتنا وقال عسى ماشر شفيه احمد قلت له ان بطنه يعوره وقاعد يرجع وقال : يلا اوديكم الطبيب بس انا قبل لا اروح قومت الخدامه عشان تحرس على نور وانور على ما أرد واحنا بالطريج قعدت ابكي لأني أحس اني مضغوطة والمسئولية عليّ كبيره عمي حس فيني وقال : هجور شفيج لا تخافين على احمد ان شالله شويه هوى ويروح ... هو عباله اني قاعده ابكي على اخوي ما يدري اني قاعده ابكي علىالمسئوليه الكبيره اللي عليّ مهما أهلي ساعدوني بتكون المسئولية الأكبر علىّ انا.. المهم وصلنا المستشفى وبعد الفحص قال الدكتور انه فيه نزله معويه وانه اكل شئ خربان .. انا على طول تذكرت كاكاويات انوار والبيتزا اللي ابلوعهم منها وقال لازم يقعد عشان يأخذ مغذي ( درب) قعدنا بالمستشفى ساعتين وانا كل دقيقه أدق على الخدامه واتطمن على نور وانوار وعمي يشوف حالتي ويضحك علىّ يقول لي : انتي المفروض بكبرج نحرس عليج انتي بكبرج جاهل قعدنا نضحك وعلى ما خلص احمد من المغذي ردينا البيت الساعة 4 الفجر .... ؟؟ !!! ورحنا نمنا وبعد مرور ساعات قليلة سمعت صراخ نور وانوار قمت من نومتي وانا مفزوعة ورحت اشوفهم...؟؟؟ !! لقيتهم يتهاو شون على الكراسة والألوان وكل وحده تبي ترسم رحت وحليت الموضوع بسرعه لاني كنت نعساااااااااااانه ورديت نمت .. ما صارلي ساعة إلا واحمد قعدني يقول انه جوعان قمت من نومتي مره ثانيه وقلت للخدامه تسوي له شئ يأكله بس انا ما تحملت وفيني فقر نوم رحت دقيت على خالتي وما قدرت امسك نفسي وقعدت ابكي وقلت لها اني مونايمه وما ارتحت قالت لي : تعالي عندي وخلي خوانج يلعبون مع عيالي وأنتي نامي بغرفة بنتي ...... سكرت التلفون ورحت قلت للخدامه تزهب خواني وانا على بيجامتي رحت لبيت خالتي وما صدقت اني انااااااام براحه وقلبي مطمئن عليهم ومرت الأيام والأسابيع وكل يوم سالفه وكل يوم قصه ولو اقول ما اخلص ....... الصراحة تنقال ( جننوني وجننتهم ) . في هذاك اليوم وكان من اجمل واسعد أيام حياتي رن تلفوني وشفت ان المكالمة خارجية فرحت ورديت الووووو .. ولا هذا صوت أبوي .. الووووو قوه حبيبتي شلونج شخبار خوانج قلت له : احنا بخير انتوا شلونكم الله يهداك يبا ليش مادقيت علىّ قال : احنا بخير الحمد لله.. الله يهديج انتي انا نسيت ان عندي عيال هههههههههه انا : هااااااااااااااااااااه شنو نسيتي وانا هني (اتنيل ستين نيله ) ابوي : ههههههه لا يا بابا انا مانسيتكم اتغشمر بس هانت .. وبنرجع عن جريب كلها يومين وبنكون بالكويت ان شاء الله انا : صـــــــــــج والله .. الحمد لله .. يالله ننطركم تعالوا بسرعة وقلت لابوي .. وين امي .. بكلمها .. قال : اهي ماتبي تكلمج انا : شنـــــــــــــو !!! ابوي : ههههههههههه والله ان صار فيج شي نسيتي مقالبنا الله يهداج اتغشمر شفيج.. انا: واللي يقعد عند عيالكم يتذكر الماضي ينسى حتى يوكل نفسه ابوي : ههههههههه الظاهر مطلعيلج قرون انا:اهو قرون بس .. الا انياب . ومخالب بعد .. بس يبه وين امي ابوي : هاج هاج ..كاهي ..كلميها .. انا : قوه يمه شلونج والله وحشتيني امي : هلا فيج ياقلبي انتي اكثر شلونج شلون اخوانج انا : بخير الحمدلله بس انتوا تعالوا بسرعه امي : ان شالله عن قريب بس انتي هالله هالله بخوانج انا: والله انهم عايشين مثل الأمراء بس انا المسكينه امي : ههههههههه يلا تحملي ما بقى شئ يالله حبيبتي اشوفج على خير انا : مع السلام سكرت التلفون وكان هذا اليوم عرس عندي قلت .... هيـــــه واخيرا بيردون وافتك رحت على طول أخذت أخواني السوق عشان نشتري ملابس لاستقبال أمي وأبوي ( واكيد ما نسيت الخدامه من الفرحه ) ورتبت البيت ومروا اليومين وكأنهم عامين ... المهم رحت المطار وانتظرهم انا و أخواني احمد ونور وانوار ,, وطبعا الخدامه ويوم شفتهم من بعيد ما قدرت امسك نفسي وعلى طول رحت لامي وضميتها ودموعي أربع ... أربع أحس ان الحين طاحت المسئولية عني سلمت على أبوي وقالي : هاجر انا وأمج اتفقنا إن نسفرج كسرتي خاطرنا قلت له : لأ انا ما أبي أسافر بس اللي أبيه أنكم رديتوا وخلصت مهمتي .. ضحكوا علىّ وعرفوا اني تبهدلت بالشهر اللي كانوا غايبين فيه واهم شئ انهم ما نسوني وترسوا حضني من الهدايا .. انشالله تكون هذي التجربة الأولى والأخيرة لي والحمد لله ان مر هالشهر على خير ولو انه كان فيه متاااااااااااااااااااااااعب بـــــــــس ما اقول إلا الحمد لله والشكر.. . المهمـــــــــــــــــــه خلصــــــــت (( ورحم الله امرئ عرف قدر نفسه )) القرائات : 3 \| التعليقات : 0