|
|
| |
|
|
| |
افلع راسي اذا ماضحكت
السلام عليكم كلكم
طبعا وليس اكيد
الا مزح
ادري كلام القصه ماراح يفهمها الا البدوي اواللي عنده خلفيه عن كلامهم
رجع ونشوف وش قصة محمد وراشد
محمد حمد..... وراشد حمد اخوان طبعا بس الفرق ان محمد متحضر وراشد يحب البداوة وبقوووة
وفكرمحمديزور اخوة الي اصغرمنة والي يفتخر بشجاعتة وكرمة بس كان بخاطرة ان اخوة يسكن الديرة بدال البر.............
المهم محمد وزوجتة جواهر (مديرة مدرسة) بعدماترجي زوجتة تروح معه وعيالة يشوفون عمهم ويشمون هواءنقي ( اولادهم حمد مها سارة وعبدالرحمن )
جواهر: محمد وربي لومايعجبني المكان ترجعني ماتتعذر
محمد: ابشري ياام حمد
عاد بحكم شغلها شخصيتها قوية بس عند محمد ماتقدر تموت علية بس ماتحب طاوعة بسرعة حركات حريم.........
الساعة 10 صباحا كان الجميع في السيارة وفرحانين بأجازة العيد
الاب : قلبي وصيتي البنات بلعقل وعسى لبسهم ماهوضيق اوقصير تعرفين عمهم عصبي
الام : عيوني وش دعوة اكيد
مها جالسة تسمع اغنية اجنبية بالمسجل الصغير حقها
وحمد ماخذالمحمول وجالس يهندس فية
الاب : ليش تاخذالمحمول معك تبي التراب يلعب فية
حمد: ابوي ماراح انزلة من السيارة
سارة بابا فية عصفور عندعمو
عبدالرحمن :يتلقف وهذي عادتة ملقوف عصفور بعينك رايحين عندالبعارين وتقولين عصفور
تصيح سارة وتقوم بتهدئتهاالشغالة الاندنوسية
خلاص عبدرهمان مافية كلام كدا
يطلع عبدالرحمن لسانة عليها ويلهوبجوال امة........
~~~~~~~~~~~~~
نشوف عائلة راشد
الام بخيتة تزوجها من عائلة تسكن البر حتى تشاركة عشقة
حمدالابن الكبير وجابر الاوسط وسالم الصغير
البنات شيخة وشقحة
راشد: ام حميد الله الله باخي وعيالة لاتخلين عليهم قصيرة
بخيتة : فديتك لاتهتم
شيخة وشقحة كل وحدة منهم تفل الملابس الي بصندوق علشان يرزون عندبنات عمهم
شيخة: شقوح وش رايش البس الاحمر والاجلبية الي من خالتي وضحى
شقحة: شويخان ماني صوبش اخيط سروال جويبرجعلة الحمى يم يشق سروالة وش قومة
والام ترتب الخيمة وتهتم فيها وتوصي البنات : شقوح انتي وشويخان شوفوحول الخيمة شي من القرطاس لقطوة ( حتى وان سكنوالبر فية اهتمام في النظافة لدرجة ان التراب الي حول الخيمة يشخل)
الاب: حميد ماكن عمك توخر
حمد: يبة فديتك جعني قبلك لاتقول حميدماتشوف شنبي قدة خاط
الاب: اخوك ياصبي حتى لونك شيبة بدعيك حميدكبر وكبرراسة
الام تسمع وترد: وش قومك على الصبي انة صادق قدة رجااااااااااال
الاب : واللة لمتسكتين ان يجيش الملقاط على خشتش
الام: بينها وبين نفسها لويسمعها حطها بقدرالذبايح( امحق رجال ماينتفاهم مرة هداد)
راشد يردعلى مكالمتة اخية محمد
راشد: مرحباترحيبت المطر
محمد: هلاراشدكيف الحال
راشد: يسرك الحال
راشديسال محمدليش توخرتومحمد ضيعت انت مغيرمكانك
راشد: ياقوم انت جيت مكاني عاماحنا جنوبة عندابل فالح
محمد: خلني ادل مكانك بعدين فالح
راشد:اقول بيجيك حميدلاتعدى مكانك
********************
في السيارة كانت مها تنادي
يبة يبة
الاب وحطبة وش تبين
مها: ابي الحمام (اللة يكرمكم)
الاب : مايكفيك البر شوفي اي مكان وقعدي
مها: يبة من جدك
الام: تعالي
وتنزل الام والشغالة وبعدربط العبايات والي مايدري بيدري
حمدولدراشدوصل بعد نص ساعة
ينزل ويسلم على عمة ويحب خشمة مرحبا عمي وش حالك
وبعدالسلام يوصلهم الى الخيمة
حمد يبة ماعندهم مخيم وماطورولمبات
الاب : مالقيت الاعمك يحط ماطور مايحب صوتة
الام: واذاجاء الليل وش السوات
الاب : اقول خلونا ننزل ونسلم
راشد يسلم على محمد ويطلق علية بالعشاء ومحمديحلف وجواهرتنغز زوجها لايطلق زوجتة مهوب صاحي
تدخل جواهروبناتها وتسلم بخيتة
حي الله من جاء وش حالش وش حال اهلش عسى ماتعبتو
جواهر: هلاوغلاكيفك وكيف البنات والعيال
بخيتة: بخير جعلش بخير
مهاتسلم على بنات عمها وشقحة تشوف لبس مها تنورة وبلوزة وتقول لاختها في اذنها
وش بلابنت عمنا متحزمة كانهالابسة وزار
تقول شيخة يعننها فاهمة ابكي خشمش ذالبس الدلع
×××××××××××××××××××
ونشوف عيال العم وش صارمعهم وقبل كل شي حمد راشد مسك اخوة جابر وصاة مايفشلة
حمد: اقسم باللة ياجويبران فشلتني عندعيال عمي لخنقك لين التراب يملى ثمك
جابر: تجيد شفت البنات واللة لمتخليني اسوق لرحت معك لفشلك
حمد: موافق بس الي قلتلك
جابر:ابدن ازهل واللة ماقول شي يفشلك
حمدمحمد وحمد راشد (للاختصاربكتب حمد م وحمد ر )
حمد ر: وش حال ولدعمي
يلتفت حمد م ويشوف من يقصد
حمد ر: احكيك انت
حمد م:بخيراللة يسلمك
حمد ر: وش قادك في الدروس (يقصد باي سنة)
حمد م: باقي كم درس ونخلص
حمدر: يابن الحلال اجردها كلها مرتن وحدة وخذالشهادة وفتك
حمد م: يضحك ياحليلك ليتها سهلة اخذ الشهادة
حمدر: اخوشيخة تبيني افزعلك واللة لسدحهم ولاواحدمنهم يقول برم
جابر يضحك وكان بيتكلم بس تذكر تهديد حمد ووعدة بسواقة
سكت وخاطرة يقول عن ولد جارهم كيف سدح حمد وغلبة بس مايقدر
اتمنى تعجبكم ولهابقية بس خلاص يكفي
وعلى فكرة الشخصيات من نسج الخيال
وكذالك الاحداث وسلامتكم
القرائات : 2 | التعليقات : 0
|
|
| |
|
|
لا توجد تعليقات في هدا المقال
|
|
