عذبتني..والحياة ما قصرت فيني
هي بنت انولدت في هالحياة بريئة .. عاشت حياتها الطفولية بكل براءة ومحبه للناس .. وعلى الرغم من صغر سنها الا انها تحب الناس وكل الناس يحبونها إلا اثنين كانوا أقل الناس محبة لها .. اثنين ما يخطرون عالبال أبداً اثنين جاهلين كأنهم من أيام الجاهلية .. اثنين فقراء على قد حالهم وأدنى.. هالثنين أهم أمها وأبوها .. عندهم من الأولاد خمسة ومن البنات سبعة وهي اخر العنقود ويبون يتخلصون منهم بأي طريقة لو يقدرون يدفنون بناتهم وهم حيين كان دفنوهم .. بس اللي يمنعهم الناس وكلام الناس .
عاشت هالبنت (نورا) حياتها في شقى تدرس وفي نفس الوقت تشتغل .. عمرها 13 سنة جميلة جداًاً زي ما يقولون تطيح الطير من السما .. في يوم من الأيام تقدم لها ولد خالتها طبعاً أبوها وأمها ما صدقو خبر وافقوا بدون ما يعلمونها أو ياخذون رايها .
أبوها (بو راشد):يلا قومي زهبي جنطتج وأغراضج.
نورا (باستغراب): ليش يبا وين بروح ؟!
بوراشد (والفرحة مو سايعته) : اليوم ملّكنا بج على ولد خالتج سا...
قاطعته نورا(وهي تبجي مو مصدقه):لا لا لا لا سالم .. لا يبا حرام عليك حتى ما علمتوني .. شنو يعني البنت ما لها راي بهالبيت .. وما لقيت إلا سالم تبيني اموت من اول يوم .. لا حرام أنا موقادرة أصدق نفسـ.........
بو راشد (ياخذها من شعرها): سمعني أنا ماحب دلع البنات بتاخذينه ورجلج فوق رقبتج وان ما صرتي جاهزة في ربع ساعة بيج الي جا خواتج .( وقطها على الأرض وطلع وهي تبجي).
طلع من الغرفة وترك وراه هالبنت اللي ضاقت فيها الدنيا .. جاها الخبر فجأه .. لا ومو أي خبر .. زواج .. واللي بتتزوجه طول عمره هايت في الشوارع .. لا وطلق قبلها مرتين ويعتبر كبير عليها .. يعني يوم تنولد (نورا)كان توه متزوج أول مرة..
المهم .. ظلت تبجي وتبجي لين قامت تحاجي نفسها .. وبعدين قالت مالي إلا أمي..( مسكينة) ..
أمها(أم راشد):ألف ألف مبروك يا نوير أخيراً بفتك منكم .. ما طرا
نورا:يمه تكفين .. تكفين أبوس ريولتج ما ابغى اتزوجه.
أم راشد : وهو على كيفج .. وبعدين بلا هالدلع الزايد هذا ولد خالتج مو واحد غريب .
نورا : بس انا مابيه .. ما بيه..
أم راشد (تصرخ عليها): سمعي كلمة وحدة ماكو غيرها .. بتاخذينه يعني بتاخذينة فاهمة .. أقول روحي لوريج أبوج الويل.
ودخل أبوها الغرفة وهو يصارخ: نوير شتسوين هني بعد ليكون بتاخذين امج معاج وانا ما ادري ..
نورا:يبى تكفى الله يخليك مابي سالم مابيه .. ما تفهمون
بو راشد: سمعيني زين لج خيارين أما انج تروحين بيت ريلج سالمة ما فيتج شي أو انج تروحين مشوهة ومحترقة مثل ماراحت أختج منوو (منى) .. هاا شقلتي ؟؟؟؟؟
طلعت نورا من الغرفة مو مصدقة اللي قاعد يصير لها معقولة في ام وابو بهالشكل ..يبغون يفتكون منهم باي طريقه....
زمن يجرح ولاهمه لارحمه ولاذمه
زمن ظالم مثل حبي وظلمه يسري بدمه
زمن ماقد تصورته علي كيفي وتخيلته
على كثر الوفا مني اشوفه حيل ظالمني
الساعة تسع ونص بالليل جاء سالم واخذها معاه وداها لبيته(شقته اللي الله يعلم شنو فيها)..
سالم : تفضلي يا عروس
نورا:.........................(في خاطرها تقول الله ياخذك)
دخلت وحست انها داخلة مرحلة الموت ..........
سالم: شفيج خايفه والله انج بزرة .
نورا ساااااااااااااااكتة بس شوي وتصيح..
سالم:ههههههههههههه
نورا:..............................
راحت نورا لأقرب غرفة وقفلت على نفسها الباب ..
وصباح اليوم الثاني طلعت من غرفتها ولا كأن أمس شي صار ..
سالم بنفس خايسة: صباح الخير
نورا بخوف: صباح النور
سالم بعصبية:سويلي فطور
نورا:انشا الله
.................................................. ...........
بعد شهور من زواجهم عرفت انه يشرب... بعدها بكم سنة اكتشفت من روحاته واتصالاته أنه اكبر مروج للمخدرات واللي صدمها اكثر ان امها وابوها يدرون عن كل فعايلة وعادي عندهم .
كان يوريها ألوان العذاب يوم عرف انها تدري عن كل سوالفه وأحسن شي صار انها ما حملت منه وهذا اللي قاهره فكان يحبسها باأيام بلا أكل او شرب..
اليوم الخميس الصباح:.رن جرس البيت وكان سالم برا
نورا ببراءه:.منو؟
سعاد:.انا سعاد جارتش
فتحت نورا لها الباب ودخلت معها المجلس وتمو يسولفون الا بجية سالم
سالم بصراخ:.نورا ....نورا.....نوير وصمخ انشاء الله وينتش؟
نورا في المجلس:.عن اذنتش اشوي وراجعه
سعاد:.اذنتش معاتش......
طلعت نورا من المجلس وكان سالم في المطبخ فراحت له على طول لانه مازال يصارخ ويناديها
نورا:.اسمع اشتبي؟
سالم:.انتي وينتش انا من زمان ادورتش
نورا:.كنت في المجلس مع جارتنا سعاد بغيت شيئ؟
سالم :.ابغى غدا!
نورا:.انشاء الله
سالم قرب منها وحط ايدينه على اكتوفها وكانه بداء يهستر
سالم يلعب في شعرها:.محلّوه هاليومين؟
نورا بقرف:.وخر عني بروح احط الغداء
طارت من ايدينه وسالم يقول لها:.ههه وين بتروحين مني جالس اليوم على قلبلتش بس خلها تطلع هالعله
حطت نورا الغداء وراحت حق سعاد وكانت اشوي وتصيح من معاملته لها حتى الشغاله محد يعاملها جذي
نورا:.اسفه تاخرت عليتش!
سعاد:.لا عادي....بس انا بغيتش بموضوع
نورا:.تفضلي
سعاد:.شوفي يانورا انا بكلمتش كانتش وحده من بناتي....انا من زمان ساكنه هني وجارت سالم وادري انه متزوج قبلتش ثنتين بس كل هذا مو مهم اهم شيئ انتش تعاملينه معامله كويسه وتطيعينه لان الحين مالتج في هالدنيا غيره
وتمت تنصحها وتسولف مها لمدة ساعتين وبعدها استاذنت وراحت بيتها.
بعد هالكلام باسبوع في الليل كانت الساعه ثلاث ونصف نورا نايمه رجع سالم وكان سكران ويغني بصوت عالي طلّع مفاتيح البيت وبالموت قدر يدخل لانه مو مركز او بالاصح مو في وعيه فتح الباب ودخل ومرّت هاليله على سلام اليوم الثاني الصباح قعدت نورا وراحت تسويله فطور بعد الفطور كان بيطلع راح غيّر ملابسه واهي في المطبخ .
سالم بصراخ:.نوّير .....نويّر....
نورا:.نعم شفيك تصارخ؟
سالم:.عقالي وينه مو موجود؟.
نورا :.وانا شدراني احد قالك اني لابسته ولا خاشته عنك؟
سالم مسكها من بلوزتها:.والله وطال لسانتش يا نوّير
نورا:.ياخي انا شقلتلك علشان تقول ان لساني طال؟
سالم بعصبيه:.فكينا الحين عقالي وينه؟
نورا :.مدري عنك...انا يوم جيت اكوي لك الملابس ماشفت العقال معهم
سالم:.سمعي انا عارف انتش ماتبين اطلع بس موعلى كيفتش
نورا:.والله العظيم مادري وينه؟
سالم:.مسكها من شعرها:.يعني شلون اطلع جذي؟
نورا اشوي وتطيح دموعها على خدها:.طيب انا شدراني وينه
قطها سالم على الارض وطلع من البيت واهو نازل من درج البيت الخارجي شاف عقاله يم الزباله
سالم:.آه يالجلبه قاطته مابيني اطلع من البيت هين انا اوريتش
رقى لها فوق شافها مازالت على الارض وتصيح ...شالها سالم من شعرها واهي تصارخ
سالم:.اسالتش وين العقال تقولين مادري وانتي قاطته من النافذه ومسويتلي مسكينه
نورا تصيح:.والله موانا....والله مو انا
سالم:.تحسبيني بصدقتش لنزلتيلي هالدموع....سمعيني زين
نورا تذكرت كلام سعاد وحبت تجربه معه مسحت دموعها:سم آمر
سالم تركها لان في باله شيئ ثاني:.روحي فتحي ذاك الدولاب
راحت نوره على نياتها وفتحت الدولاب وجابت الكيسه الي يبغاها
سالم. كان داخلها فستان وردي لبسها اياه بالغصب ..وبعد ماخلّص سالم من الي يبغاه منها
سالم:.خذي شربي هذا
نورا:.لا ماراح اشربه
سالم:.واهو على كيفتش
نورا:.بس انا مابغى اشربه
سالم:.سمعي كلامي احسلتش؟
نورا:.هذني طعتك قبل اشوي ولا قلت شيئ
سالم:.انتي الظاهر ماتربيتي
مسك نورا وحاول يشربها بالغصب بس ماطلع معها بفايده اخذها وطاح فيها طق بالعقال وبيده وحبسها في الغرفه الي يصّنع فيها خرابيطه.
ظلت محبوسة في يوم من الأيام لين نفذ صبرها وقعدت تصرخ وتصيح وقعدت تنادي الجيران من النافذه اللي بالغرفة .. ومن حسن حظها سمعتها جارتها (سعاد) وبلغو الشرطة وجات الشرطة وكسروا الباب وطلعوها ودوها المستشفى مباشرة لأن حالتها كانت ما تستحمل التأجيل بعد ما صحت من غيبوبتها اللي ظلت ملا زمتها اسبوعين حققوا معها عن الكدمات اللي بوجها وجسمها كله وعلمتهم بكل شي .. وكان عمرها بذاك الوقت 18 سنه يعني قضت خمس سنوات من شبابها أو طفولتها وياه .
وكان من بين اللي يحققون في هالقضية شاب اسمه(محمد) عمره(25)سنة أعجب فيها وحزن وااااايد عليها وعلى براءتها اللي طمسها ذاك النذل الخسيس واللي كان امها وابوها السبب الرئيسي في دمار حياتها..
طبعاً لما حققو معاه انكر كل شي .. بس اهي ماسكتت اعترفت عليه بالمخدرات اللي يخزنها في البيت والخمر وراحت الشرطة وفتشت البيت وثبتت عليه التهمة لأنهم لقو هوايل بالبيت
~*¤ô§ô¤*~الجزء الثاني~*¤ô§ô¤*~
وظلت نورا في المستشفى 3شهور لبين ماتحسنت حالتها .. في يوم من الأيام في المستشفى انفتح باب الغرفة ودخل عليها واحد ..
نورا:مين؟!
....:......
ودخل وشافته وتوها بتقول مين وقاطعها ...
......:الحمد لله على السلامة
نورا(باستغراب):الله يسلمك ، عفواً مين انت؟!
......:أنا أنا .. محمد الـ..... الضابط المسؤول عن قضيتج وأنا سعيد جدا أنج بخير وقمتي بالسلامة ..
ومد لها كرت فيه رقمه في المكتب ورقم جواله وقال:
هذا رقمي اذا احتجتي لأي مساعدة .
نورا وهي حاسة بالأمان اتجاه هالرجال : مشكور وما قصرت
.................................................. .......
وبعد اسبوع طلعت من المستشفى .. وكان محمد مستأجر لها بيت صغير على قدها تقعد فيه .. وكان كل يوم يزورها ويتطمن عليها ويشوف كانها محتاجة شي .
.................................................. .......
في السجن
سالم: هلا والله .. شفيك تأخرت انا مليت من القعده هني وانا خوك.
سعد(ولد عم سالم وصديقه في نفس الوقت):لا أبد بس انشغلت شوي
سالم: أفاآآآآآآآ.. تنشغل عن خويك.. المهم أنا طول الوقت افكر....
قاطعه سعد:اختصر قبل لا ينتهي وقت الزيارة
وقال سالم لسعد الفكرة اللي يبي ينتقم فيها من نورا لأنها سبب دخوله السجن.
سعد: والله انك منت هين
سالم:قايل لك اخوك ذيب
سعد:طيب أنا أمر عليك وأقول لك النتايج
سالم(بكل فرح وسعادة وشوق):أوكي
مشى سعد وقعد سالم يفكر بأفكاره الخبيثه
.................................................. .......
نرجع لنورا
نورا كانت قاعدة بالصاله مع محمد .. كان جاي يزورها وجايب لها بعض الأغراض اللي تحتاج لها وطبعا هذا كله من مصروفه الخاص
نورا:مشكور،تعبتك معاي
محمد(بلا شعور):لا يا حياتي تعبك راحـ..... آآآآآآسف ما كان قصدي .. عموما انا ماشي الحين تبين شي ؟!
نورا(متضايقه):لا
طلع محمد وهو شايل هموم الدنيا فوق راسه لأنه حس انها تضايقت ويقول لنفسه:يعني انا ماصدقت تنسى اللي صار لها والخوف اللي مرت فيه .. أروح اقول لها هالحجي.. أكيد بتتضايق... أوووووووف.
راحت نورا غرفتها وجلست تفكر في الكلام اللي قاله لها محمد .. وجلست تكلم نفسها وتقول:ليش يصير معاي جذي .. وليش انا ماخذه عليه وايد .. اخليه يدخل البيت واقعد وياه بلحالي وحتى الباب يصير مسكر.. ياربي شهالأسئلة الكثيرة اللي مالها اجوبه...وقعدت تفكر طول الليل............
.................................................. .......
في الصباح راحت ساره اخت محمد لنورا بطلب من محمد عشان تشوف اذا كانت زعلانه او اذا كان في خاطرها شي..
ساره:السلام عليكم
نورا:وعليكم السلام .. هلا ساره .. حياج تفضلي..
ساره:شلونج ؟!
نورا(بحزن):عايشين الحمد لله .. انتي شخبارج ؟..وشخبار محمد؟..
ساره:الحمدلله بخير.. ترى محمد قال لي اسلم عليج واااايد..
نورا(وهي موحاسه فيه):الله يسلمج ويسلمه
ساره:شرايج نطلع اليوم نتمشى؟............
نورا:مادري احس اني مو مشتهيه اطلع
ساره:أفاااااااا .. يعني مو مشتهيه تطلعين معاي .. ترى ازعل
نورا:لا والله مو قصدي جذي...
ساره(تقاطعها):لا خلاص زعلت
نورا(بحزن شديد):تصدقين ياساره ان امي وابوي ما كلفو على نفسهم يسألون عني.. من يصدق ان هلي عايشين وانا حالتي جذي مالي احد..
ساره:لا يا نورا ما ارضى وانا واخوي محمد وين رحنا
نورا:أنتو فيكم الخير والبركه وبعدين انا مابي اثقل عليكم انتو بعد مو ملزومين فيني تصرفون علي وتأكلوني وتشـ........
ساره(تقاطعها):لا تقولين هالحجي انتي خلاص صرتي من وفينا وسكتي لا يسمعج محمد والله يزعل..
نورا: محمد؟!... محمد مسكين تحمل مسؤوليه اهو في غنى عنها ولو ا ثاني غيره ما سوا اللي اهو سواه.. بس ما اقول الا حسبـ.......
ساره(تقاطعها):لا تقولين جذي عن هلج .. بعدين هم اكيد ما يدرون.
نورا:إلا انا متأكده انهم يدرون.
ساره:شيدريتج؟!
نورا:ساره اهلي زوجوني سالم بالغصب وهم يدرون عن كل سوالفه وخرابيطه
ساره:طيب
نورا(وبدت تصيح):وأكيد انهم درو انه باسجن بس اللي محيرني انهم ما تنزلو وسألو عني .. لهدرجه كنت مضيقه عليهم في البيت خايفين اني ارجع.. ولا انهم يكرهوني
ساره:خلاص ياحبيبتي خلاص..
نورا(وهي تصيح):ياساره تعبت تعبت .. انا زهقت من هالحياه..
ساره :استغفري ربج ... وبعدين خلاص انسي كل اللي صار وبدأي حياتج بصفحه يديده.. بعدين يلا قومي نطلع.. ما مليتي من قعدت البيت.
نورا(وهي تمسح دموعها):أوكي يلا
ساره(بفرح): ما طرا توافقين....
نورا:ها ترى ارجع
ساره:لا لا لا لا سوري حبيبتي موقصدنا.. بعدين احنا ماصدقنا تقومين بعد ترجعين..
بعدين توهم بيطلعون إلا ساره تقول(وهي حاطه ادينها على خصرها):تدرين اني من جيت ما جبتي لي شي اشربه...
نورا(حمرو خدودها): أوه .. سوري والله نسيت
وراحت نورا المطبخ ولحقتها سارة
سارة:انتي كم عمرتج؟
نورا:ليش محمد ما قال لتج؟
سارة:لا.. بس قال انتج تقريبا في سني
نورا: انا عمري الحين 18سنة
سارة:طيب ما فكرتي تكملين دراستج؟
نورا:انا كنت في متوسط يوم.. .. ..
سارة:نورا حبيبتي شفيج ليش وقفتي؟
نورا:هالسؤال بطول شرحه خلينا نجلس واقول لج قصتي كلها
.................................................. .......
وبعد صلاة العشاء راحو مع محمد shopping واشترو لهم كل شي نفسهم فيه .. وكان محمد فرحان وايد وفرحته مالها مثيل ..
بعدها راحو الــ beatch
نورا:تبون شي من.....
محمد:لا جلسي انا بروح اشتري لكم
نورا:لا انا ابغى اروح اشتري لكم وبنفسي بعد....
محمد:نورا اجلسي وانا بروح
نورا ماكانت عارفة اهي ليه تسوي جذي بس هم عاندت :لا انا اللي بروح .. بسرعة تبون شي.. سارونة شتبين ... ؟!
سارة:أي شي
محمد:ساره روحي معها
نورا:لا انا بروح بروحي
راحت نورا وتأخرت ولا رجعت تشاغب محمد وسارة قلقت عليها ..راحو للمطعم القريب من قعدتهم دوروها في كل زاوية ما لقوها وطلعو يدورونها في المطعم الي جنبه ولقوه مسكّر
سارة(وهي تصارخ):نورا.....نورا........نورا
محمد (بخوف وقلق حزن عليها):ياربي ذي وين راحت.. اقول لها خليني اروح معك ما ترضى.......(قعد يفكروالشيطان بدأ يلعب بعقله):ليكون اهي هربت .. اجل ليش اصرت انها تروح لحالها ..لا..لا..لا نورا ما تسويها انا اعرفها وما ابي اشك يوم في حبي لها
ساره (تنادي محمد وهو سرحان): محمد ليكون ضاعت.. محمد ..محمد هي انت وياي ولا..
محمد:ها .. لا معك معك شكنتي تقولين؟
ساره:اقول ليكون ضاعت؟؟
محمد:لا..لا.. نورا مهي بزره عشان تضيع
ساره:عيل وين راحت بس؟؟
محمد:مادري..مادري..
.................................................. .......
~*¤ô§ô¤*~*¤ô§ô¤*~الجزء الثالث~*¤ô§ô¤*~*¤ô§ô¤*~
نورا:آآآه.. هدني..شنو هذا فكني..منو انت؟
سعد:ههههههههه..حلمي أهدج
نورا(بخوف):ليش انا شمسويه؟
سعد:هههه.. شمسويه؟.. انتي ما تدرين شسويتي بسالم يوم بلغتي عنه .. دمرتي حياته..
نورا:تقول في خاطرها(السالفه فيها سالم..عزتالله رحت فيها..شنو شبح حتى وهو في السجن مافتكيت من شره)..يعني سالم دازك عشان تسوي هالحركه القذره..وتاخذني؟
سعد:طبعا..ليش شايفته اهبل تقص عليه وحده زيج..ودمر حياته ويسكت لها .. يحلوه(يطقها بخفيف على خدها) هذا سالم مو أي واحد تظنين انج بتفلتين منه بهاسهوله
نورا:يستاهل هذا جزاه واقل من جزاه..مابقى جريمه في العالم مو مسويها.. وياليت يقضي بقيت حياته هناك
سعد:ههههههههههههههههههههه
دخل واحد سكران طينه:سعّوددي مين هالحلوة؟!!!!!!!!
سعد:هذي مرت واحد من خويانا
.......:عسى ما في زحمه على الغرفه؟
سعد:أفااااااا..شكلك ناويها
.......(وهو يقرب من نورا):أحد يشوف هالزين وما ينوي عليه......هذي كيكه
سعد:هههههههه...روح دور لك على وحده غيرها يا حبيبي..هذيdon't touch
.........:ليه قابل للكسر؟؟؟ ههههههههههه
نورا في قلبهاياربي انا خايفه وايد.. وينك يا محمد وينج ياساره ..ساعدوني كلكم)
كل الشله:ههههههههههههههههههههه
سعد:يلا عاد هوينا
......:جوعان وابغى كيكه.. حرام
سعد:الكيكه خربانه
.......:ليه منتهي تاريخها؟؟؟؟؟
سعد:ياثقل دمك
.........:ليه كم وزنه؟.............
سعد:حمود خذ هالمينون وطلعه بره
نورا:هي انت فكني
سعد:مابي .. شبتسوين يعني؟؟؟
نورا:بصرخ وبلم عليك الناس كلهم
سعد:هههههههههههه هذا اذا احد سمعك
نورا(في داخلها):أصرخ..؟لا......إلا يمكن أحد يسمعني...بس شكله حابسني في مكان مهجور.....أتهاوش معه....؟لا أحسن شي أتحايل عليه.
نورا:ممكن تهدني بروح اتوضى اصلي.
سعد(بستهزاء):هههههههه لعبي غيرها.
نورا:ليش......؟!
سعد:جب...يلا ...جب ولا أبي اسمع لج صوت موليه فاهمه.
طلع سعد من الغرفةوتركها مربوطه في زاوية الغرفة لحد اليوم الثاني
وطبعاً هي ما نامت ولا غمضت لها عين لأنها خايفه منهم.
حمود:هلا
نورا:......
حمود:تبين فطور؟
نورا(في داخلها:اكيد حاطين لي فيه شي):لا مابي.
حمود:أحسن توفرين.
نورا:طيب فكني ابي اصلي.
حمود:و الله اذا قال سعد فكها ... بفكج بكل سرور هههاي.
نورا:ليش وهو وينه؟
حمود:نايم.
نورا:ممكن اسولف معاك؟
حمود (بفرح):اكيد
نورا كانت تحاول تسحب منه الكلام...............
نورا:طيب سعد متى بيقعد من النوم.
حمدان:سعد يسهر طول الليل وينام النهار بطوله.
نورا:انت شكلك حبوب وطيب ليش موجود عندهم اطلع وفك عمرك.
حمدان:مادري
نورا:زين ... شرايك تفكني وننحاش انا وياك.
(ويدخل عليهم سعد فجأه):والله خوش فكره ها؟؟؟
حمدان(بخوف):.......سعد.......أنا.........
سعد(بغضب):حسين.......يا حسين......
حسين:سم طال عمرك......؟
سعد:خذ هالحيوان احبسه لي بغرفه لين اشوف لي صرفه وياه.
حمدان:..س..ع....والله العظيم مالي دخل.........سعد
نورا:يارب تحفظني من كل شر........يا رب
سعد(يمسكها من شعرها):سمعي نحشه من هني ماكو فاهمه..؟
نورا(تستفزه):هههههههههههههههاي
سعد:ليش تضحكين قايل نكته
نورا(بكل عصبيه):كيفي مثل ما انت حابسني هني بكيفك .. هم انا بضحك بكيفي... والله
سعد(بقهر من برودها الزايد):لأنج مينونه
نورا:هههههه عادي ليس على المجنون حرج (وفي داخلها تقول سلمت امري لله)
سعد قرب منها لأنه شاك انها شاربه شي ومو خايفه منه.
نورا(بخوف):وخر عني
سعد في داخله(هذي صاحيه لا وشكلها اصحى مني بعد... عيل شنو اللي مضحكها اكيد لقت لها منفذ تنحاش منه... آآآآخ منكم يالحريم غامضين)
سعد:قومي وياي
نورا(بفرح):ليش بهدني
سعد:لا طبعاً..ةخلصي امشي ولا تكثرين هذره.
دخلها الغرفه اللي ينام فيها عشان تكون تحت عينه ويتأكد ان محد يقدر يحركها.. وقفل عليها الباب وطلع.
.................................................. .......
في السجن
سالم قاعد مكتأب وحزين مو عشانه دخل السجن وبس لا وعشان اللي دخلته وحده تافهه في نظره ما حسب حسابها ابد .. ويستنى اليوم اللي يطلع فيه على احر من الجمر عشان ينتقم منها..ويرفع راسه ويلاقي سعد و يقوم له بفرح :هلا يابو السعد طولت الغيبه وينك؟
سعد:يقولون من طول الغيبات جاب الغنايم وانا جايب لك احلى غنيمه بحياتك.
سالم(والفرحه مو سايعته):لا تقول انها عندك بالبيت.
سعد:إلا عندي.. وكثف عليها الحراسه
سالم:كفو...
سعد:بعض مما عندكم ههههههههاي...عاد اسمع اللي صار من يوم اخذتها............
سالم:اقووول حبيبي انتبه لها لا تفلت تراها داهيه
سعد:لا توصي حريص
سالم:عيل اسمع هالخطه اليديده.
وقاله على كل السالفه
سعد:حلو okومتى انفذها
سالم:أبيها باجر الفير..
سعد:خلاص الساعه3ونص بنكون عندك
الشرطي:يلا انتهى وقت الزياره
سعد:خلاص الوعد باجر
سالم:سلم لي عالجماعه وقول حق هالعله يقول لتج سالم بدفعج ثمن هالسويتيه غالي..غالي
سعد:يوصل
.................................................. .......
في غرفة سعد
نورا(بحزن ودموعها على خدها):وينك عني يا محمد ياليتك تيي تنقذني من اللي انا فيه..آآآآآه لو تدري حبيبي كيف ايامي بدونك تسرف العمر وتظيع آآآآآآآه
سعد:لا مسويتلي فيها فلم هندي منو تحاجين... يالمينونه
نورا:هـ..هـ..ها تكلمني انا؟
سعد:أي عيل في احد غيرتج في هالغرفه
نورا(صافطته):...................
سعد(بعصبيه):أقول ترى ان تكرر هالأسلوب لأذبحج أنا عند كلمتي.
نورا:هههههههههههههههههه
سعد(وهو ماسكها من شعرها):نشوف يا نوير
نوره مينه من الخوف بس ما تبي تبين له هالشي وحبت تقهره اكثر:انزين فكني ابي اصلي
سعد عصب وايد واستجمع كل قوته وعطاها كف حار الرّيال ما يتحمله وطلع من الغرفه وهي تصرخ وتصيح من شدة الألم لين اغمى عليها من قوة الضربه اللي جاتها وتفكيرها في سالم اللي ما تدري وش بسوي فيها
الساعه 5 المغرب دخل سعد ولقاها طايحه في الأرض بالكرسي اللي اهي مربوطه عليه
سعد رفسها بريله وقامت المسكينه مفزوعه ويوم شافته يلست تصيح
سعد:قومي تغدي
نورا(بصراخ وصياح):مابي ...مابي اطلع بره مابي اشوف ويهك ياحقير ياسافل يامنحط
سعد(بكل برود واستهزاء):تو..تو..تو .. سالم يقول لازم تاكلين زين عشان يوصل و الوردة حقته لازم تكون مستويه ولا شلون بينسجم معاج
نورا(منقهره وتصيح):والتبن فيك انت وسالم
سعد مسكها من كتوفها :سمعيني عدل بتتغدين غصبن عنج ... لأن سالم يقول ...........
قاطعته نورا:طز فيه وفي اللي يقوله
سعد:انتي الظاهر الطيبه ما تنفع وياج
نورا:اطلع بره ...... اطلع
سعد:هذا اللي ناقص تطرديني من غرفتي لا وفي بيتي بعد.. حسين يا حسين .. تعال
حسين: نعم طال عمرك؟!
سعد:روح يبلي البودرة اللي بالدرج
نورا تطالعه باستغراب وتفكر وش بسوي بالبودرة
حسين:كاهي طال عمرك
سعد:عفي عليك..يلا روح شوف شغلك .. خلني اشوف شغلي مع هالـ........ خلني ساكت احسن
وقعد سعد قبال نورا وحط البودره بويها وقال:ها تتغدين ولا البودرة
نورا(ردت تصيح ):مابي .. مابي شي .. بس خلوني في حالي الله يخليكم.
وفتح سعد البودرة عشان يخليها تشمها وطاحت نورا على رجوله وهي تصيح وتقول:لا...لا...الله يخليك لا مابي ... آآآآآآآآآه
وهو يمسكها من شعرها ويقول:انجبي هذا اللي ما يطيع سعد بس فات عليج الأوان ماكو جدامج غير هالبودرة حتى غدا هونت... وهي تقول:هدني.....ابوس ايدينك ... أحب راسك هدني .... لا وخرها عني .. ابوس ريولك ... آآآآآه ...لا...لا...لـ..........
وللأسف قدر يعطيها هالسم وطلع من الغرفة
سعد:أقول حسون..
حسين:هلا
سعد:مو جن البودرة قليله على هالحقيره
حسين:والله إذا مشتهي ... عطها زيادة
سعد:لا....لا... باجر بنهرب سلوم ويبيها صاحيه.. عموماً انتبه لا تنحاش تراها داهيه ولا حد يدخل عليها من الشباب
حسين:ليش وين بتروح
سعد:مو شغلك..خلك في شغلك وبس
.................................................. .......
في الليل
صحت نورا وراسها مصدع وتذكرت اللي صار لها وقعدت تصيح وتدعو ربها انه يفرج عنها كربتها.............شوي إلا سمعت صوت المفاتيح وسوت نفسها نايمة
سعد(باستهزاء):هههه...نايمة...نومه تشيلها
حسين:يلا انا بروح انام بعد
سعد:سكر الباب وراك
طلع حسين من الغرفة ... حست نورا انا في احد يقرب منها وهي ميته من الخوف
سعد(وهو يرفسها):جعلها آخر نومه
نورا:...................
راح سعد ونام وهو متطمن انا مفعول البودرة موجود عشان جذي اهي نايمة هالنومة الطويله وظنونه كلها غلط...لما سمعت نورا صوت الشخير تأكدت انها في امان
نورا:ساعدني يارب
شردت نورا في تفكيرها في محمد وأخته ساره وقعدت تتذكر ايامها الحلوة وياهم.....وتقول :ان غبت عنك مابي تظن اني ناسيك وان بعدت عنك لا تظن اني ما ابيك عسى الروح اللي فيني ما تعيش وان كان قصدها ياهوى البال تجفيك...
وقطع عليها حبل أفكارها صوت الباب اللي دخل منه مرزوق السكران وفجأه حست انها تتحرك بحريه ولما شافت الحبل انفك ماصدقت عيونها وفرحت وايد وقالت:الحمد لله .. الحمد لله
قامت وخذت المفاتيح من ثوب سعد وهي تمشي في الممر اللي بين الغرفة والصالة سمعت صوت واحد يضحك وخافت وانخشت تحت مفرش الطاولة
نورا (وهي تبجي):سترك يارب .. يارب انقذني منهم
السكران:هههههاي....لا....هههههههه
نورا:آآآآه وينك يا محمد عني تشوف هاللي يصير فيني آآآآه...أحسن شي اني اطلع واتوكل على الله مادام هذا سكران ما راح يحس فيني
السكران:عل...ى ويـ...ن ياحلوة
نورا(وهي ميته من الخوف):بشرب ماي
السكران:هههههههه
طلعت نورا وهي تركض ........تركض
.................................................. .......
في بيت محمد
محمد:منو...؟
....:أنا ساره ممكن ادش.؟
محمد:دشي
دخلت سارة على اخوها وشافنه مكتأب وحزين
سارة:وشفيك ياخوي .. وش بلاك .. وش اللي خلاك توصل لهالحاله.. الشغل قمت ما تروح .. أكل ما تاكل قمت حتى ما تقعد وياي ولا تسولف مثل قبل .. أبي بس سبب واحد لهذا كله..
محمد:نورا
سارة(باستغراب):نورا.......؟
محمد:أي نورا..اختفت فجأة لا حس ولا خبر...
سارة(بتردد):محمد..أنت تح...بها
محمد يطالع في ساره ودموعه في عينه:أي أحبها وأموت فيها بعد
ساره:أي يا محمد بس احنا ما قعدنا وياها إلا ايام قليله مداك عرفتها وحبيتها
محمد:قلبي تعلق فيها اول ما شافها
سارة:نصيبها
محمد(بعصبيه):لا..لا انا موجود وين رحت .. انا بظل ادور عليها لين القاها واذبح النذل اللي مد ايده عليها.. يا..ياساره انتي ما تعرفين شمعنى مخطوفه يعني الحين اهي قاعدة تتعذب.. واحنا حاطين ايدينا على خدنا
سارة:بس يا محمد هم انت ما قصرت دورت عليها اول ما نخطفت ولا لقيتها... شبتسوي اكثر من جذي
محمد:مادري...مادري .. ياساره بس لازم القاها.. سامحيني يانورا..
.................................................. .......
اليوم الثاني
نورا:آآآه...هدني حرام عليك
...:جب ولا كلمه يالحقيرة
نورا:آآآه وخر عني ...وخر
...:هين أجل تنحاشين يالسافلة من تظنين نفسج يا غبية
نورا:انا احسن منك يا سكران.. وخر
...(عطاها كف):هين والله لأوريتش شغلج هين...جيب الكهرباء
نورا:لا..أبوس ريلك..لا... كهرباء
...:وخري زين ما اكون سالم اذا ما ادبتج
نورا:آآآآآآآآآه..خلاص..آآه
سالم:قومي جدامي
سحبها سالم من شعرها وهي تصيح ودخلها الغرفة الثانية
.....:يااختي...يااختي
نورا(وهي تصيح):لا....حرام...آآآه
.....:لو سمحتي ... خير اختي في شي؟!
نورا:هاه..لا ماكو شي
.....:تبين حاجه؟
نورا:أبغى ماي وفي قلبها تقول(الحمد لله انه حلم)
والرّيال يقول في قلبه وهو يعطيها كاس الماي(سبحان من خلقج ... الله لو توافقين تتزوجيني بدل الجيكرة اللي عندي):تفضلي
نورا:مشكور اخوي
وراحت تمشي نورا في هالشوارع وهي موعارفه اهي وين ولا وين بكون مصيرها
.................................................. .......
عند سعد
صحى سعد من النوم التفت مالقى نورا وقام مفزوع ودور عليها بالبيت كله وما لقاها
سعد(بصوت عالي وبكل عصبيه):حمود......حمودو وصمخ
حمود:هاه شتبي شفيك تصارخ؟
سعد:نوير...ماشفتها؟
حمود:لا يكوووون ........
سعد:الظاهر جذي
حمود:أووه الحين شنقول حق خويك اللي بيطلع اليوم على فشوش
سعد:مادري...بس شلون انحاشت وانا قايل حق هالتلخ يقفل الباب ويخش المفتاح عنده
حمود:يمكن نسى...
][`~*¤!||!¤*~`][الجزء الرابع][`~*¤!||!¤*~`][
سعد:نسى؟!...هين انا اوريه .. اهو ما عرف يتعامل مع منو.. (وصرخ بأعلى صوته)أنا سعد..سعد المر...
حمود:هيَ.. تعال سعد شنو بتسوي....ســعد
سعد:حسين....يا زفت ياحسين...؟
حسين(توه قاعد من النوم):هاه شنو تبي...؟
سعد(يرفس حسين ويمسكه من ثوبه):انا ما قلت لك حط بالك على هالحقيرة .. ولا تشرب في هاليوم بالذات
حسين:انزين..وهي شبتسوي يعني هالمسجينة مربوطة مالها حول ولا قوة
سعد:هالمسجينة اللي تقول .. هربت بسبتك .. انا مو قلت لا تشرب في هالليلة بالذات لين يجي سالم
حسين(باستغراب وخوف): شنو...هربت...شلون...؟!
بعدين استقوى ولا خاف:وانا شدراني يعني شنو الواحد ما يستانس
سعد:انت تدري شسويت لي .. انت هدمت حياتي .. سالم ليدرا شبسوي.. لا لا لا
حسين:وانا شدخلني..انت وياه تنجازون
سعد:ننجاز...؟انت مستهين بالموضوع....؟حمودوو روح دورها اكيد ما بعدت... وانت ياحسينووو انت اكيد مينون
حسين: لا انا مو مينون لكن انا مو جماد مالي احساس تبيني اتم مسنتر عند الغرفة عشان ما تنحاش ..
سعد:لا.. الظاهر انك سكران صج
حسين:وبعدين خير لنحاشت ياخي رحموها شوي واقفين لها مثل العظمه في البلعوم
سعد:شنو.. نرحمها..حبيبي قول هالحجي لسالم لرد..وهو يعرف يتصرف معاك
حسين:ها..سالـ....م
سعد:أي سالم ليش خايف
حسين(بشجاعه):لا مو خايف..انا ماشي وانتو بكيفكم انا مالي شغل فيكم سووا اللي تبونه انشالله في جهنم
سعد:تعال هني وين رايح شنو مالك شغل انت تدري لوصل سالم وما لقاها تدري شسوي يذبحني ..لان شغله وياي.. وما يدري اني موكلكم بالمهمه يعني لودرى بالي صار بيمسح فيني البلاط انا.....لا.. مستحيل
حسين:كيفك انت وياه(وراح بيطلع)
سعد:بس قبل لا يذبحني..انا بذبحك(وراح وراه) تعال هني انا مستحيل اخليك تفلت بعملتك..
ومسكه من رقيته ولاحه على الطاوله اللي عليها الكاسات والبطول وحاول يخنقه بالمخده بس حسين حاول يوخره لكن ماقدر... قام طلع من جيبه سجين هو كان دايم يخليها في ثوبه وطعنه فيها........
تألم سعد وايد لان حسين طعنه ثلاث طعنات عشان يهد المخده...لين مات
وقام حسين مفجوع من اللي سواه..دخل حمود..ولما شاف الموقف وسعد الدم يسيح منه قال:حـ...سيـ...ن انت سويت جذي..؟
حسين:مادري مادري
حمود:يلا خلننحاش قبل لا يوصل سالم
وانحاشو اثنينهم.......
.................................................. .......
قدرت سارة تقنع محمد انه يطلع يغير جو ..لكن محمد ما وافق عشان هالشي.. هو وافق عشان يدور على نورا
محمد وهو في السيارة والدموع تنزل منغير ما يحس:
آسف على الغيبة ماكنت فاضي
آسف على التقصير لو كنت قصرت
رجعت لتج حاضر ماني بماضي
ابعتذر يمكن عليتج تأخرت
حطيت في غيبتج الحب قاضي
وحكم علي ارجع لو ما تبصرت
ورجعت قانع بحبج وراضي
وهم في السيارة:
سارة:محمد شوف شوف .. مو جنها نورا؟
محمد(بفرح ووله):سوير من صجج وينها.. ولا تغشمرين؟
سارة:شنو اتغشمر.. صج انك فاضي ..شوفها هناك ..اللي قاعدة ومعطيتنا ظهرها
محمد (لما شافها) : أي هذه..إلا هذي نورا
سارة انزلت من السيارة وتركض تبي تتأكد اهي نورا ولا لا
.................................................. .......
السجن
طلع سالم بالغش والرشاوي من السجن ولما شاف الدنيا قال:الله ياني متشوق للإنتقام .. هين يا نوير
ركب سالم التكسي:أي..اي.. البيت اللي على يسارك.. بس هني وقف
اتصل سالم على سعد قبل لا يدخل البيت : غريبة شبلاه هذا مايرد هذي حزّت نوم..
رن الجرس وماحد رد عليه.. فجأه شاف مرزوق طالع وهو خايف ويركض..
سالم:مرزوق ...مرزوقو وقف..
مرزوق مازال يركض من اللي شافه .. المهم لحقه سالم ومسكه
سالم:مرزوق شفيك الله يهداك تركض ..حد لاحقك؟؟ بعدين تعال ليش اناديك ما ترد؟؟؟؟
مرزوق(بخوف ورجفه): وخر.. هد ايدي انا ما سويت شي
سالم:شفيك .. شايف جنّي جدامك؟! بتتكلم وتقول شفيك ولا شلون.. بعدين سعد وين؟؟ اتصل فيه مايرد....؟
مرزوق(بخوف ورجفه):سـ...عـ..د ...
سالم:أي شفيه سعد.. ما تتحجى
مرزوق:سعد مقتول بالصاله
سالم(وعيونه بتطلع من محلها):انقتل..؟! شلون..متى...ومن اللي قتله؟؟؟!
مرزوق:أنا مادري عن شي... مو انت قلت قول شفيك هذا اللي فيني.. قعدت من النوم ولقيته مقتول... يلا مابي اشوفكم مابي.......
سالم مستغرب من اللي قاعد يصير.. ويقول في باله:معقول...سعد اللي محد يقدر عليه ينقتل..خلني اروح اتأكد بنفسي..
دخل سالم البيت وشاف سعد طايح على الأرض والدم يسيل من بطنه ورقبته
سالم:سعد...سعد
بعدين تذكر نورا:وهذي وين راحت اذا هالخيخه ميت..
دورها في كل الغرف وما لقاهاوقال:أهاااااا.. فهمت..حاولت تهرب ولما شافها قتلته وطلعت... وصلت فيج المواصيل انج تقتلين.. لا ومسويت لي فيها بريئه...ههههه
سالم(في نفسه):خلني اروح اشيل جناطي والبلاوي اللي فيها لييون الشرطة وشكوني مرة ثانيه ههههه عاد منو بلقى يرتب لي النحشه
ويأشر على سعد:مالت عليك..هذا وحنا شادين الظهر فيك
أخذ سالم اغراضه وأجر له شقه بالفلوس اللي خاشها اهو وسعد وحمود وحسين ومرزوق ما يدرون عنها...ومازال يتوعد حق هالمسكينه
.................................................. .......
تـــــــــــــــــــــــــــــــــا بــــــــــــــــــــــــــــــــــــع
